Машински факултет - Скопје

Почитувани студенти,

Новоформираната Smart Learning Factory - Skopje (SFLS), лоцирана на Машинскиот Факултет во Скопје е отворена за сите студенти што бараат летна пракса. SFLS е првата ваква лабораторија која е фокусирана на теми од областа на Lean и Industry 4.0. Располага со опрема што симулира производни концепти, но подеднакво важни се и сите методи и алатки кои (ќе) се користат во неа.

Лабораторијата има дефинирано неколку мини проекти што треба да бидат реализирани од студенти практиканти, но очекува идеи и од самите студенти.

Праксата е отворена за студенти од сите факултети што ќе бидат во трета и четврта година во следниот зимски семестар.

Вашето CV со главните вештини и кратко мотивациско писмо (за вашите интереси) испратете ги најкасно до 16.6.2023 12:00 на learningfactory@mf.edu.mk. Со избраните кандидати ќе одржи кратко интервју и ќе се договори предметот на работа согласно интересите/вештините на студентот и потребите на  SLFS.

За повеќе информации посетете ја web страната learningfactory.mf.edu.mk

Тимот на SFLS ќе Ве контактира за понатамошната постапка.

Ни претставува голема чест и задоволство, како ценета и реномирана образовна институција да ве информираме дека А1 Македонија и оваа година, трет пат по ред ја имплементира програмата за платена пракса, A1 WayUp.

Во оваа прилика го најавуваме почетокот на пријавувањето за сите заинтересирани кандидати кои ги исполнуваат условите. Повикот е отворен за 15 дипломци кои дипломирале во последните 12 месеци или кои годинава ќе ги завршат своите студии, а својата кариера сакаат да ја градат во А1 Македонија во една од следниве области: E-commerce/Digital Transformation, Data Science & Analytics, Infrastructure & Cloud, ICT Solutions и IT Systems & Technology.

Доколку бидат избрани, кандидатите ќе имаат можност да започнат да го градат својот кариерен пат со работа на реални проекти заедно со нашите искусни тимови, од кои ќе добијат целосна поддршка и едукација за да ги усовршат своите знаења и да стекнат нови вештини.

Периодот за аплицирање започнува од денес 12 јуни и трае до 12 јули 2023 година, а сите заинтересирани може да испратат кратка биографија и преку формулар да се пријават за една од позициите предвидени во оваа програма. Процесот на селекција ќе се изврши во согласност со потребните компетенции и вештини на кандидатите, дополнителна евалуација на компетенции и тестови за лични карактеристики, а селектираните кандидати ќе бидат повикани на финално интервју за детално запознавање со сите услови за работа.

Програмата е платена и трае 6 месеци, со полно работно време од 40 часа, со можност за вработување и пред завршување на програмата. Практикантите ќе имаат можност да работат на проекти поврзани со автоматизација, анализа на податоци и виртуализација, развој на дигитални решенија, мрежна инфраструктура, ИТ системи и развој на ИТ решенија. Повеќе информации за позициите и за профилите може да се најдат на кариерната страница https://jobs.a1.com/mk/aplicirajte/a1-wayup-2023/.

Целта на A1 WayUp е да им пружи на младите богато работно искуство исполнето со предизвици во некои од најактуелните теми на денешницата – Data, IT, Cloud & Infrastructure итн.

ИЗВЕСТУВАЊЕ за ЛЕТНА ПРАКСА

ОДЛУКА за определување ментори за верификација на ЛЕТНА ПРАКСА во учебната 2022/23 година

ГОДИШЕН РАСПОРЕД НА ИСПИТИ ЗА КАЛЕНДАРСКАТА 2023 ГОДИНА