Соопштенија за студенти

СООПШТЕНИЕ ЗА ПРИЈАВУВАЊЕ НА ИСПИТИ ЗА ЈУНСКА ИСПИТНА СЕСИЈА ВО УЧЕБНАТА 2025/2026  ЗА СТУДЕНТИТЕ ОД ПРВ ЦИКЛУС СТУДИИ

Врз основа на потпишаниот Меморандум за соработка помеѓу АД ЕСМ и Машински факултет-Скопје, се распишува Конкурс за доделување 5 стипендии за студентите на Машински факултет – Скопје.

На конкурсот можат да се пријават студенти кои студираат на Машински факултет – Скопје.

Право на учество имаат сите студенти кои ги исполнуваат следните  критериуми:

• студентот да е редовен студент запишан на прв циклус студии по прв пат во прв или трет семестар во студиска година во учебната 2025/2026 година;
• просечната оценка на студентот  (до датумот на аплицирање) да не е помала од 8.0;
• студентот да не е корисник на стипендија или кредит од друга установа, институција или компанија;
• студентот да е државјанин на Република Северна Македонија;

Висината на стипендијата изнесува 8.000,00 денари месечно и ќе се доделува за времетраење од 10 (десет) месеци годишно.

ДОКУМЕНТИ:

КОНКУРС за доделување 5 (пет) стипендии за студентите на Универзитет „Св. Кирил и Методиј“ во Скопје, Машински факултет - Скопје

АПЛИКАЦИЈА за стипендија на студенти запишани на прв циклус студии по првпат во прв или трет семестер во учебната 2025/2026 година

Скопје, 30.03.2026 - Компанијата осма година по ред објавува повик за доделување стипендии за постдипломски студии за академската 2026/2027 година. Во овој нов повик, зголемен е бројот на академските области за аплицирање, а дополнет е и со  можноста за делумно покривање на трошоците за живот во согласност со однапред утврдени критериуми. ОКТА АД – Скопје продолжува со својата долгорочна посветеност за поддршка на образованието и развојот на млади професионалци. 
Во рамки на Програмата за стипендии на ОКТА АД – Скопје, членка на Групацијата HELLENiQ ENERGY, и оваа година ќе бидат доделени две стипендии за редовни постдипломски студии, со максимално времетраење од две години. Едната стипендија е наменета за студии во странство, со можност за аплицирање на универзитети низ Европа, Северна Америка и Австралија, додека втората стипендија се однесува на студии во Република Северна Македонија. 

„Во ОКТА, веруваме дека образованието е една од најзначајните инвестиции во иднината која не се однесува само на поединците, туку и на општеството и економијата во целина. Преку нашата програма за стипендии за постдипломски студии, ја поддржуваме следната генерација професионалци, кои преку своето знаење, креативност и посветеност ќе донесат иновации и високи достигнувања во своите области. Оваа иницијатива е доказ за нашата долгорочна заложба за развој на човечкиот потенцијал и за поттикнување на академската извонредност, како и на одржливиот развој на нашата индустрија и општеството“, изјави Димитриос Пасхос, главен извршен директор на ОКТА АД - Скопје.

Оваа година, можноста за аплицирање е проширена на кандидати од различен спектар на академски области. Првата е инженерство и енергетика, каде влегуваат трансформација на енергијата, обновливи извори, алтернативни технологии, напредни енергетски материјали за производство и складирање енергија, како и нафтено инженерство. Втората област е дигитална трансформација, која опфаќа програмирање, мрежи и комуникации, анализа на податоци за вештачка интелигенција, сајбер безбедност и интелигентна автоматизација. Секторот за животна средина е третата област, каде се изучуваат климатски промени, екосистеми, одржлив развој, паметни градови и локален развој. И четвртата област е економија и менаџмент, кој содржи енергетска економија, биоекономија и циркуларна економија, енергетски мрежи и енергетска геополитика, управување со енергетски проекти, маркетинг, комуникации и односи со јавноста, правни студии и управување со човечки ресурси. Кандидатите можат да аплицираат само за еден од овие сектори. Дополнително, програмата за стипендирање за оваа година, отвора можност и за покривање на дел од трошоците за живот во согласност со однапред определени критериуми.

Апликациите се поднесуваат исклучиво онлајн, преку платформата: https://scholarships.helleniqenergy.gr/rnm , каде може да се најдат сите информации и критериуми поврзани со Програмата за стипендии за втор циклус на студии. Крајниот рок за поднесување на апликациите е 18 мај 2026 година.

Програмата за стипендии е дел од стратегијата на ОКТА за корпоративна одговорност, во рамки на која поддршката на образованието е еден од клучните приоритети, и се спроведува во согласност со стратегијата на Групацијата за зајакнување на младите и поддршка за постдипломски студии на стипендисти од земјите каде што работи. Во периодот од 2017 до 2025 година компанијата има доделено вкупно 44 стипендии за постдипломски студии, од кои 43 национални и една меѓународна, со што директно придонесува кон развојот на високообразован кадар во земјава и пошироко.

Конкурс за студентска мобилност за зимскиот семестар во академската 2026/2027 година во рамки на ЕРАЗМУС+ програмата

Активен е новиот конкурс за студентска мобилност за зимскиот семестар во академската 2026/2027 година. Студентите треба да ги достават апликациите во 3 примероци (еден за студентот, еден за Еразмус+ координаторот и еден за Универзитетот) до Еразмус+ координаторот надоцна до 17 април 2026 г. Една апликација треба да ги содржи следниве документи:

• пополнет формулар за пријавување (Student Application Form);
• уверение за положени испити на македонски јазик; 
• уверение/диплома за познавање на англиски јазик или јазикот на кој се изведува наставата на ЕУ-универзитетот, издадена  од признат центар/школа за странски јазици;
• уверение за редовен студент - запишан семестар/година (на македонски јазик);
• кратка биографија (Europass model);
• мотивациско писмо.

Задолжително:

за студентска мобилност за студирање:

• договор за студирање (Learning Agreement for studies), во кој се утврдува програмата за студирање, потпишана и одобрена од страна на студентот, матичниот факултет/Еразмус+ координаторот и  факултетот во странство (минимум 20 ЕКТС- максимум 30ЕКТС).

Learning Agreement исто така треба да се изготви онлајн https://www.learning-agreement.eu/ по што се генерира во платформата EWP Dashboard. Понатаму, при изготвувањето на договорот за студирање треба да се изберат предмети кои ќе бидат признаени по враќањето на студентот, односно компатибилни предмети од наставната програма на двата факултета, бидејќи потпишаниот LA, односно одобрениот ОLA гарантира дека избраните предмети со број на ЕКТС ќе бидат признаени.

       При избор на универзитет за мобилност задолжително да се внимава на рокот за номинирање за зимскиот семестар во академската 2026/2027 година, наведен на официјалната веб-страница на странскиот универзитет.

Студентите треба да достават валидна диплома за познавање на странскиот јазик на кој се изведува наставата.

Сите дополнителни информации и формулари за пријавување и листа на потпишани Еразмус+ билатерални договори може да ги побарате на интернет-страницата на Универзитетот под: Меѓународна сорабoтка – Еразмус+ мобилности – ERASMUS+ - Документи за студентска мобилност (https://ukim.edu.mk/studenti/mobilnosti/erazmus/).

За дополнителни информации и поддршка, обратете се до Координаторот за Еразмус+ при Машински факултет - Скопје: доц. Д-р Елена Ангелеска (elena.angeleska@mf.edu.mk).