Машински факултет - Скопје

Согласно со чл. 22, став 5 и чл. 25-а од Правилникот за организирање на издавачката дејност на Универзитетот „Св. Кирил и Методиј“ во Скопје (Универзитетски гласник бр. 264 од ноември 2013 година) и Одлуката за  издавање на учебници во електронска форма (бр. 11-469 од 5.3.2014 година), Универзитетот започнува со објавување на учебниците и учебните помагала во електронска форма.

Учебниците и учебните помагала, за кои претходно е добиена согласност од авторите, се објавуваат на интернет страницата на УКИМ со отворен пристап.

Одлука за распишување на Конкурс за финансирање на електронско издаваштво НА УКИМ Скопје за 2026/27 година

Конкурс за финансирање на електронско издаваштво НА УКИМ Скопје за 2026/27 година

Го отвораме факултетот за сите идни студенти, соработници и љубители на инженерството! Дојдете да ги запознаете нашите лаборатории и да дознаете повеќе за студиските програми и можностите што ги нудиме.

📅 Сабота, 25 април 2026 г.
📍 Машински факултет – Скопје

🔹 10:00 ч.
Отворање на Натпреварот за најдобар бизнис концепт за зелени иновации 2026 со обраќање на:

• г-а Сања Божиновска, Министерка за енергетика, рударство и минерални суровини
• проф. д-р Валентина Гечевска, проректор за наука на Универзитет „Св. Кирил и Методиј' во Скопје

🔹 Посета на лаборатории и факултетскиот кампус
Изберете термин што ви одговара:

🕥 10:30 ч.
🕧 12:30 ч.

Ќе имате можност да:
✔ ги разгледате современите лаборатории
✔ се запознаете со студентски проекти и истражувања
✔ разговарате со професори и студенти
✔ дознаете како изгледа студирањето на Машински факултет

Ве очекуваме!

Искрени честитки за сите 42 пријавени тимови (ученици и наставници-ментори) за учеството на Натпреварот „Најдобар бизнис концепт за зелени иновации 2026 година“.

Ви благодариме за вложениот труд, одличните идеи и квалитетно развиени концепти. Секој од вас покажа посветеност, креативност и знаење, и сите сте победници!

Секој од аплицираните концепти имаше одредена специфичност и тимовите се потрудиле и го дале својот максимум во развојот на своите идеи. Сепак, согласно правилата и критериумите на натпреварот, во полуфиналето влез обезбедија само најдобрите 20 тимови и нивните бизнис концепти.

Полуфиналниот натпревар ќе се одржи на 25.04.2026, (сабота) со почеток во 10:00 часот, на Машински факултет Скопје (голем амфитеатар). Секој од тимовите може да донесе и до 5 соученици кои ќе присуствуваат во публиката. Подетални информации ќе следат наскоро.

Со почит,

Тимот на Машински факултет, УКИМ, ЦИЗИ и НЦРИПУ Скопје

Искрени честитки до Професорот Радмил Поленаковиќ и неговиот тим од Машинскиот факултет при Универзитетот „Св. Кирил и Методиј“ за освоеното прво место на Натпреварот за зелени вештини - ETF Green Skills Award 2025. Натпреварот веќе петта година по ред го организира Европската тренинг фондација од Торино, Италија (European Training Foundation – ETF, https://www.etf.europa.eu/en/what-we-do/etf-green-skills-award) со цел да промовира меѓународни успешни примери кои ја зајакнуваат зелената транзиција. ETF е организација на Европската унија која го поддржува развојот на вештини и компетенции, кај младите и возрасната популација, промовирајќи го принципот на учење во текот на целиот живот.

„Натпреварот за најдобар бизнис концепт за зелени иновации“, за средни училишта кој на Машинскиот факултет се организира веќе 18 години, во конкуренција на 250 меѓународни добри практики кои доаѓаат од 50 земји, е победник на овогодинешниот ETF Green Skills Award 2025.

Видеото со кое учествуваше Македонија, односно нашиот тим на меѓународниот натпревар, може да се погледне на: https://www.youtube.com/watch?v=yUCvfui7MWE

Подетални информации за Наградата и натпреварот може да се најдат на официјалните портали на делегацијата на Европската унија во нашата земја:

EUD X: https://x.com/AmbassadorEU/status/2018316467326898568?s=20

EUD Bluesky: https://bsky.app/profile/euwithmk.bsky.social/post/3mdv3a47pls2w

Средните училишта веќе може да аплицираат на „Натпреварот за најдобар бизнис концепт за зелени иновации за 2026 година“ на следниот линк: https://forms.gle/MhQDpghhnZgnSM716