Машински факултет - Скопје

Четворица студенти од насоката ИИМ под менторство на вонр. проф. д-р. Бојан Јованоски, го освоија првото место за решавања на реален случај од компанијата Ge- Avio од Италија, поддржан од Европската Унија.

Неодамна беа објавени резултатите од натпреварот „Teaching Factories Competition“ спроведен од EIT (Европскиот центар за иновации и технолошки развој) каде тимот од Машинскиот факултет – Скопје го освои првото место и успеа да се пласира во финалето кое ќе се одвива во Брисел, Белгија. Тимот беше предводен од четворица наши колеги: Дамјан Ристовски, Михаела Златеска, Теодора Танчевска и Даниела Стојановска - студенти на Машинскиот факултет, насоката Индустриско Инженерство и Менаџмент.

Во период од април до октомври 2022 година активно се работеше на проектот за „зелени иновации и подобрувања“ заедно со компанијата Ge- Avio од Италија. Во финалето тие ќе се натпреваруваат со противници од универзитетите од: Mondragon University- Шпанија, CAS Lavoslav Ružička Vukovar- Хрватска, University of Patras- Грција, ELTE Informatikai Kar Savaria Műszaki Intézet- Унгарија, University of Pisa- Италија.

Со ова се потврдува дека на Машинскиот факултет во Скопје студентите се подготвени да решаваат нови проблеми, и тоа на интернационално ниво.
Да им посакаме понатамошен успех во финалето на нашите колеги и колешки.

Следење на мерната неодреденост при мерење на бучавата од патен сообраќај во урбана средина

Observation of Noise Measurement Uncertainty in Traffic polluted Environments (ON-MUTE)

Почитувани студенти,

Со големо задоволство ви го најавуваме целодневниот настан „ДЕН ЗА КАРИЕРЕН РАЗВОЈ“  во оргaнизација на УКИМ и THRIVITY!

На 07.06.2022 со почеток од 10:00 до 18:00 часот на платото на УКИМ, повеќе од 25 компании ќе имаат можност да ви ги презентираат своите можности за вработување и практикантство за време и по завршувањето на студиите.

Настанот ќе биде интерактивен, организиравме панел дискусии и кратки мотивациски обраќања со цел да ве инспирираат, насочат и да ви помогнат во вашиот иден кариерен развој.

Дополнително имаме штандови за подготовка на професионално CV организирано од THRIVITY, можност за непосреден разговор и кариерно насочување од Асоцијацијата на кариерни советници, директна комуникација со релевантни претставници на компаниите учесници, како и, зона за забава и освежување (организирана од Coca Cola).

За време на настанот за добрата атмосфера ќе се погрижат повеќе диџеи.

Агенда на настанот

09:30     Пристигнување на компаниите и нивно сместување

10:00     Пристигнување на студенти и други поканети гости

10:30     Отворање на настанот и кратко претставување на агендата на главна бина

• Обраќање на ректор
• Обраќање на раководителот на Центарот за кариера на УКИМ
• Обраќање на претставник од THRIVITY

11:00     Заедничка обиколка на организаторите и говорниците на сите штандови

11:30     Панел дискусија #1 (Тема: Важноста на практиканството и подготовка за прво вработување на студентите)

12:10     Музички сет #1   

12:30     Мотивациски говор # 1  (COO Sensile Medical Switzerland:  Инспирација за вработување – глобална отвореност на пазарот на труд  Inspiration for employment – globally open labor market)

13:00     Панел дискусија #2 (Хибридни професии – новата реалност за младите и за компаниите) Асоцијација на кариерни советници

13:30     Музички сет #2

14:30     Мотивациски говор #2 (Развој на компетенции – мостот помеѓу формалното образование и барањата на компаниите) Активатор

14:45     Музички сет #3

15:30     Мотивациски говор #3 (Кариерно советување во високото образование – позитивни светски практики) проф. д-р Софија Георгиевска

15:50     Музички сет #4

Компании кои ќе учествуваат на настанот

Алкалоид, Раде Кончар, Филип Морис, Реплек, Скопска Пивара, Еуроникел, Мак Прогрес, ПроКредит Банка, Халк Банка, Шпаркасе Банка, Лакталис, Geresheimer, Индитекс, Van Hool, Slice, TaskForce, Нелт, Вива сокови, Веста дрогерија, Рамстор, Адинг, Џонсон Мети, DS Smith, Тиквеш, Макстил

Се гледаме на 7ми јуни на платото пред УКИМ!