Машински факултет - Скопје

Конкурс за студентска мобилност за студирање и пракса/стажирање во рамки на ЕРАЗМУС+ програмата за летниот семестар во академската 2026-2027 година

Активен е Конкурсот за студентска мобилност за студирање и пракса/стажирање во рамки на ЕРАЗМУС+ програмата за летниот семестар во академската 2026-2027 година.

Студентите апликанти треба да ги достават апликациите во 4 примероци (еден за архива, еден за студентот, еден за Еразмус+ координаторот и еден за Универзитетот) до Еразмус+ координаторот (доц. д-р Елена Ангелеска) надоцна до 2 октомври 2026 г. за студентските мобилности за студирање, а за студентските мобилности за пракса/стажирање најдоцна до 30 октомври 2026 година.

Една апликација треба да ги содржи следниве документи:

• пополнет формулар за пријавување (Student Application Form);
• уверение за положени испити на македонски јазик;
• уверение/диплома за познавање на англиски јазик или јазикот на кој се изведува наставата на ЕУ-универзитетот, издадена  од признат центар/школа за странски јазици;
• уверение за редовен студент - запишан семестар/година (на македонски јазик);
• кратка биографија (Europass CV template);
• мотивациско писмо;

Задолжително:

за студентска мобилност за студирање:

• договор за студирање (Learning Agreement for Studies), во кој се утврдува програмата за студирање, потпишана и одобрена од страна на студентот, матичниот факултет/Еразмус+ координаторот и  факултетот во странство (минимум 20 ЕКТС- максимум 30ЕКТС)

за студентска мобилност за пракса/стажирање:

• договор за пракса/стажирање (Learning Аgreement for Traineeship)
• покана (Invitation Letter) од институцијата/организацијата/компанија/претпријатие) во која ќе се одвива праксата/стажирањето

Детални информации за конкурсот може да најдете на следниот линк: https://ukim.edu.mk/wp-content/uploads/2026/09/2026-2027_erasmuskonkurs_za_studentska_mobilnost_let…

Договорот за студирање - Learning Agreement (LA) исто така треба да се изготви онлајн на платформата EWP Dashboard, за што има соодветни насоки.

Понатаму, при изготвувањето на договорот за студирање треба да се изберат предмети кои ќе бидат признаени по враќањето на студентот, односно компатибилни предмети од наставната програма на двата факултета, бидејќи потпишаниот LA, односно одобрениот ОLA гарантира дека избраните предмети со број на ЕКТС ќе бидат признаен.

Исто така, треба да се внимава на рокот за номинирање за летниот семестар во академската 2026/2027 година, наведен на официјалната веб-страница на странскиот универзитет, односно студентите апликанти треба да изберат странски универзитет кадешто рокот за номинирање е по 14 октомври 2026 година. 

Сите дополнителни информации и формулари за пријавување и листа на потпишани Еразмус+ договори може да ги побарате на интернет-страницата на Универзитетот под: Меѓународна сорабитка – Еразмус+ мобилности – ERASMUS+ - Документи за студентска мобилност (ERASMUS+ - Универзитет „Св. Кирил и Методиј“ во Скопје)

За дополнителни информации и поддршка, обратете се кај Еразмус+ координаторот за Машински факултет:

Елена Ангелеска (elena.angeleska@mf.edu.mk)

Конкурс за студентска мобилност за комбинирани интензивни програми (Blended Intensive Programmes – BIP) во рамки на програмата Еразмус+ за академската 2025/2026 година

Комбинираните интензивни програма (Blended Intensive Programme – BIP) претставуваат краткорочни мобилности за студирање кои се состојат од задолжителна виртуелна/онлајн компонента и мобилност во времетраење од минимум 5 работни дена, а максимум 30 работни дена.

Пријавувањето започнува веднаш по објавувањето на Конкурсот. 

Целокупната комбинирана интензивна програма (вклучително виртуелната компонента и мобилноста) мора да заврши најдоцна до 29 јули 2026 година.

Студентите кои ќе изразат интерес за учество во BIP треба да достават апликација до Еразмус+ координаторот на матичниот факултет/институт во три примероци (еден за студентот, еден за координаторот и еден за Универзитетот).

Апликацијата треба да ги содржи следниве документи:
• пополнет формулар за пријавување (Student Application Form);
• уверение за положени испити;
• уверение/диплома за познавање на странски јазик;
• уверение за редовен студент;
• кратка биографија (Europass model);
• мотивациско писмо.

Задолжително е и доставување на договор за студирање (Learning Agreement for studies), потпишан од студентот, матичниот факултет/Еразмус+ координаторот и институцијата-домаќин (минимум 3 ЕКТС).

Learning Agreement исто така треба да се изготви онлајн https://www.learning-agreement.eu/ по што се генерира во платформата EWP Dashboard (https://learning-agreement.eu/). 

Студентот и Еразмус+ координаторот задржуваат по еден примерок од апликацијата.

Изборот на кандидатите се врши според редоследот на доставување на целосните апликации од страна на факултетите/институтите до Ректоратот, сè до пополнување на расположливите мобилности и средства.

Повикот се затвора на 1 јуни 2026 година или порано, доколку се исцрпат расположливите мобилности.

Сите дополнителни информации и формулари се достапни на интернет-страницата на Универзитетот:
https://ukim.edu.mk/studenti/mobilnosti/erazmus/

За дополнителни информации можете да се обратите до Еразмус координаторот при Машински факултет – Скопје: Елена Ангелеска (elena.angeleska@mf.edu.mk).