ПОСЕТА НА КОГЕНЕРАТИВНА ТЕРМОЕНЕРГЕТСКА ПОСТРОЈКА ТЕ-ТО АД СКОПЈЕ

На 15.12.2025 година студентите од прв циклус студии на студиските програми Енергетика и екологија и Термичко и енергетско инженерство ја посетија когенеративната постројка ТЕ-ТО АД Скопје, во придружба на асистент д-р Моника Улер-Зефиќ. Реализацијата на теренската посета беше овозможена од страна на Сашо Димковски, оперативен извршен директор на ТЕ-ТО. Посетата започна со теоретско воведување во работата на постројката, при што студентите беа запознаени со техничките параметри на опремата. Потоа следеше презентација на системот за мониторинг на оперативното работење на постројката. Во завршниот дел беше реализирана посета на терен, при која студентите имаа можност да се запознаат со практичната работа на постројката.